Ўзбекистондаги 7 та ОТМ дунёнинг энг яхши университетлари рўйхатига киритилди

Бугун, 19 июнь куни "QS World University Rankings 2026" натижалари эълон қилинди.

Натижаларга кўра, Ўзбекистоннинг 7 та олий таълим муассасаси дунёнинг энг яхши университетлари рўйхатидан ўрин олди.

Маълум қилинишича, бу кўрсаткич ўтган йилга нисбатан 5 та университетга ортиб, Ўзбекистон ушбу рейтингда илк бор иштирок этган университетлар сони бўйича жаҳоннинг 9 та мамлакати қаторидан жой олди.

Рейтингга киритилган Ўзбекистон ОТМлари:  

“TIQXMMI” миллий тадқиқот университети — 469-ўрин (2025 йилда =547)  

Ўзбекистон Миллий университети — 721–730 (2025 йилда 781-790)

 Тошкент давлат техника университети — 901–950 (илк бор)

 Самарқанд давлат университети — 1001–1200 (илк бор) 

Тошкент давлат иқтисодиёт университети — 1001–1200 (илк бор)  

Тошкент давлат транспорт университети — 1201–1400 (илк бор)

 Тошкент ахборот технологиялари университети — 1401+ (илк бор)

Таъкидланишича, Ўзбекистоннинг 4 та олийгоҳи "Битирувчилар ютуқлари" индикатори бўйича топ-700 таликка кирган:

Тошкент давлат техника университети – 540-ўрин

Ўзбекистон Миллий университети – 545-ўрин

“TIQXMMI” Миллий тадқиқот университети – 644-ўрин

Тошкент давлат иқтисодиёт университети – 660-ўрин

Маълумот ўрнида, QS World University Rankings – 2004 йилдан бери эълон қилиб келинаётган, олий таълим муассасаларини 9 та глобал индикатор асосида баҳоловчи энг обрўли халқаро рейтинглардан биридир.