Тошкент шаҳар ЙҲХББ маълумотига кўра, Ўзбекистон миллий терма жамоасини жаҳон чемпионатига кузатиш тадбирини ўтказиш ҳамда хавфсизликни таъминлаш мақсадида 22 май куни Тошкент шаҳрининг қатор кўчаларида транспорт воситалари ҳаракати вақтинча чекланади.
Жумладан, қуйидаги йўналишларда ҳаракат тўсилади:
— Чилонзор — Чўпонота кўчалари кесишмасидан Чўпонота кўчаси бўйлаб Қатортол — Чўпонота чорраҳасигача;
— КҲАЙ— Чилонзор чорраҳасидан Чилонзор кўчаси бўйлаб Чилонзор — Чўпонота чорраҳасигача;
— КҲАЙ— Бунёдкор чорраҳасидан Бунёдкор кўчасининг иккинчи даражали йўли бўйлаб Бунёдкор — Чўпонота чорраҳасигача;
— Нурафшон — Себзор чорраҳасидан Себзор кўчаси бўйлаб Ислом Каримов — Бунёдкор чорраҳасигача;
— Ислом Каримов — Бунёдкор чорраҳасидан Бунёдкор кўчаси бўйлаб Бунёдкор — Иккинчи Қатортол чорраҳасигача.
Ҳайдовчилардан ҳаракатланиш учун муқобил йўналишларни олдиндан режалаштириш сўралди.
Изоҳ