Андижонда 10-синфда ўқийдиган "тунги капалак" қиз ушлангани айтилган хабар ижтимоий тармоқларга сиздирилди. Ушбу ҳолат юзасидан Андижон шаҳар мактабгача ва мактаб таълими бўлими матбуот хизмати маълумот берди.
Унга кўра, ижтимоий тармоқларда тарқалган суратлардаги қизлардан 1 нафари Андижон шаҳридаги 10-умумтаълим мактаби ўқувчиси 2008 йилда таваллуд топган Х.Т. эканлиги аниқланди.
Тарқалган суратлар 2024 йилнинг ёз ойида олинган ва мактаб томонидан ўқувчи-қиз дарс машғулотларида мунтазам қатнашмаганлиги сабабли 10-синфда қолдирилган. Жорий ўқув йилида ҳам у мунтазам дарс машғулотларини қолдириб келаётганлиги айтилди.
Х.Т.нинг хулқи ва хатти-ҳаракатлари юзасидан бир неча бор профилактик суҳбатлар олиб борилган. Ҳозирда тегишли ташкилотлар билан ҳамкорликда иш ташкил этилиб, Х.Т. "Вояга етмаганларга ижтимоий ҳуқуқий ёрдам кўрсатиш маркази"га жойлаштирилди.
Изоҳ