Жорий йилнинг 12 декабрь куни Тошкент шаҳри Халқаро Автомобиль Федерацияси (FIA) Бош Ассамблеяси ва FIA Awards тантанали тақдирлаш маросимига мезбонлик қилади. Аҳамиятлиси, мазкур тарихий тадбир Марказий Осиёда илк бор ўтказилмоқда, дея хабар берди Ўзбекистон МОҚ Матбуот хизмати.
"FIA автоспортни тартибга солувчи ва йўл ҳаракати хавфсизлигини тарғиб қилувчи етакчи халқаро ташкилотдир. Тошкентда ўтадиган тадбирларда 100 дан ортиқ мамлакат вакиллари иштирок этиб, унда глобал автоспорт сиёсати ва қатор масалалари муҳокама қилинади," - дейилади хабарда.
FIA Awards маросимида Formula 1, WRC, WEC, Formula E каби йўналишлардаги энг яхши пилотлар ва жамоалар тақдирланади. Мазкур тадбирда дунёнинг энг таниқли юлдуз пойгачилари фахрли меҳмон сифатида иштирок этади.
Изоҳ