Иш Сергели тумани жиноят ишлари бўйича судида кўриб чиқилган. Бу ҳақда UzNews.uz мухбири суд қарорига таяниб хабар берди.
Иш материалларига кўра, воқеа пойтахтнинг Сергелий тумани ҳудудидан ҳаракатланган 47-сонли автобусда содир бўлган. Т.З. исмли эркак йўловчи аёлнинг танасининг турли қисмларига тегиниб, унга шилқимлик қилган.
Аёл ундан ҳаракатларини тўхтатиш ва ўзини муносиб тутишни талаб қилганига қарамай, эркак бу ҳаракатларини давом эттирган.
Судда Т.З. айбига иқрор бўлиб, қилмишидан пушаймон эканини билдирган ва бундай ҳолат бошқа такрорланмаслигини айтган.
Суд қарори билан у Ўзбекистон Республикаси Маъмурий жавобгарлик тўғрисидаги кодекснинг 41-1-моддаси 1-қисми (жинсий шилқимлик)да назарда тутилган ҳуқуқбузарликни содир этганликда айбли деб топилди.
Унга 3 сутка маъмурий қамоқ жазоси тайинланди.
Изоҳ