Ўзбекистон–Корея бизнес форуми доирасида Президент Шавкат Мирзиёев иштирокида Кореянинг етакчи компания ва молия институтлари билан қўшма лойиҳаларни ишга тушириш ҳамда қурилишини бошлаш маросими бўлиб ўтди.
Маросим доирасида Жиззах вилоятида «Kia Sonet Prime» автомобили ва автомобиль кузови панелларини ишлаб чиқариш йўлга қўйилиши маълум қилинди.
Шунингдек, Тошкент шаҳрида Кимё технологиялари маркази фаолият бошлади. Фарғона вилоятида электротехника маҳсулотлари, Наманган вилоятида эса полимер буюмлар ишлаб чиқариш йўлга қўйилди.
Бундан ташқари, Тошкент шаҳрида Миллий онкология маркази, тиббиёт олий таълим муассасаси, роботлар ва уларнинг бутловчи қисмларини ишлаб чиқарувчи корхоналар қурилиши бошланди.
Изоҳ