Андижон вилояти ҳуқуқни муҳофаза қилувчи органлари томонидан ўтказилган тезкор ва техник тадбирлар натижасида Шаҳрихон туманида туғилган 30 ёшли шахс ноқонуний криптоактивлар айланмаси билан шуғуллангани учун қўлга олинди.
Текширувлар давомида аниқланишича, гумонланувчи ўзининг iPhone телефони орқали йирик криптовалюта биржаси — HTX орқали ноқонуний операциялар амалга оширган. Шуни таъкидлаш жоизки, ушбу платформа Ўзбекистонда расман рўйхатдан ўтмаган бўлиб, унда криптоактивлар савдоси қонунга хилоф ҳисобланади.
Мобиль қурилмани текшириш жараёнида фуқаро HTX платформасидаги аккаунти орқали криптоактивларни сотиб олиш, сотиш ва алмаштириш бўйича жами 68 миллиард 212 миллион сўм (амалдаги курс бўйича тахминан 5 миллион 687 минг доллар) миқдорида ноқонуний операциялар амалга оширгани маълум бўлди.
Мазкур ҳолат юзасидан Жиноят кодексининг 278-8-моддаси 3-қисми бўйича жиноят иши қўзғатилди. Ҳозирда тергов ҳаракатлари олиб борилмоқда.
Изоҳ