Тошкентда маст йўловчи автобуснинг ойнасини уриб синдирди

Куни кеча автобус салонида номаълум эркак жамоат транспорти бўлган автобуснинг олд ойнасини синдиргани айтилган видео ижтимоий тармоқларга сиздирилди. Ушбу ҳолат юзасидани Тошкент шаҳар ИИББ Матбуот хизмати изоҳ берди.
 
Аниқланишича, жорий йилнинг 1 август куни тахминан соат 14:30 атрофида 98-йўналишда ҳаракатланувчи автобус салонида йўловчи Д.П. маст ҳолатда ҳайдовчининг фаолиятига тўсқинлик қилиб жанжал кўтарган. Шундан сўнг, ҳайдовчи Р.Я. ҳуқуқбузарни автобусдан туширган вақтда Д.П. автобусни олди ойнасига мушт билан зарба берган. Зарба натижасида автобуснинг олди ойнаси синган. Шундан сўнг йўловчи ҳайдовчининг бўйин ва юз қисимларига бир неча маротаба уриб тан жароҳати етказган.
 
Мазкур ҳолат юзасидан Чилонзор тумани ИИО ФМБ томонидан терговга қадар текширув ўтказилмоқда, якуни бўйича қонуний қарор қабул қилиниши таъминланади.